Apple អាចត្រូវ Samsung ពិន័យខ្ទង់ ១៧០ លានដុល្លារឡើង ព្រោះលក់ iPhone បានតិច

បច្ចេកវិទ្យា

ផ្អែក​តាម​សារព័ត៌មាន ETNews ដែល​ឧស្សាហ៍​បញ្ចេញ​ព័ត៌មាន​ផ្ទៃ​ក្នុង Apple ត្រូវៗ​នោះ​ បាន​ឲ្យ​ដឹង​ថា​ Apple ប្រហែល​ជា​ជំពាក់​ Samsung Display រាប់​រយ​ពាន់​លាន​វ៉ុន​ ​លើ​ការ​ពិន័យ​ដែល​ទិញ​​អេក្រង់ OLED មិន​គ្រប់​​តាម​ចំនួន​ដែល​ព្រមព្រៀង​គ្នា​ដំបូង។

ការ​ពិន័យ​នេះ​គឺ​បក​ត្រឡប់​ទៅ Apple ដែល​ទទូច​ឲ្យ Samsung Display សាង​សង់​រោងចក្រ​ដើម្បី​ផលិត​អេក្រង់ OLED ផ្ដាច់​មុខ​សម្រាប់ iPhone។ Apple បាន​​ប្រាប់​ Samsung Display ខ្លួន​ត្រូវ​ការ​អេក្រង់ OLED ១០០ លាន​បន្ទះ​ក្នុង​មួយ​ឆ្នាំ។ ប៉ុន្តែ​ចំនួន​លក់ iPhone ថយ​ចុះ បាន​ធ្វើ​ឲ្យ​ប៉ះពាល់​ដល់​ការ​ប្រឹង​ប្រែង​របស់​ Samsung Display ​ដោយ​ធ្វើ​ឲ្យ​ប្រាក់​ចំណេញ​ធ្លាក់​ចុះ​ពាក់​កណ្ដាល ពោល​ធ្លាក់​ពី ៥,៧ ទ្រីលាន​វ៉ុន​នៅ​ឆ្នាំ ២០១៧ មក​នៅ​ត្រឹម ២,៦២ ទ្រីលាន​វ៉ុន​នៅ​ឆ្នាំ ២០១៨។

គួរ​ដឹង​ថា​ ១០០ ពាន់​លាន​វ៉ុន គឺ​ប្រមាណ ៨៦ លាន​ដុល្លារ ដូច​នេះ​ឧបមា​ថា​​​តួ​លេខ ២០០ ពាន់​លាន​វ៉ុន​នោះ Apple ជំពាក់ Samsung យ៉ាង​តិច ១៧០ លាន​ដុល្លារ ឬ ច្រើន​ជាង​នេះ។

ETNews បាន​បញ្ជាក់​ដែរ​ថា​ Apple ទំនង​ជា​​មិន​ដោះ​ស្រាយ​ថ្លៃ​ជំពាក់​នេះ ដោយ​សាច់​ប្រាក់​សុទ្ធ​នោះ​ទេ។ ផ្ទុយ​ទៅ​វិញ Apple អាច​នឹង​ធ្វើ​ការ​​ទិញ​យក​អេក្រង់ OLED បន្ថែម​ពី Samsung Display ក្នុង​​ចំនួន​ដែល​ស្មើ​នឹង​លុយ​ជំពាក់៕

No Comments

Leave a Reply

Your email address will not be published. Required fields are marked *

បច្ចេកវិទ្យា
៤ ចំណុច​ពិសេសៗ​លើ Galaxy S9 ដែល​ iPhone X គ្មាន​ដូច​

Galaxy S9/S9+ បាន​ក្លាយ​ជា​អាវុធ​ដ៏​ខ្លាំង​ក្លា​មួយ​ទៀត​របស់​ Samsung ដែល​ប្រើ​សម្រាប់​ប្រកួត​ប្រជែង​នឹង​ iPhone X របស់​ Apple។ នៅ​លើ​ Galaxy S ជំនាន់​ថ្មី​នេះ​ មាន​បំពាក់​នូវ​ចំណុច​ពិសេសៗ​មួយ​ចំនួន​ ដែល​មិន​មាន​លើ​ iPhone X ៖ ១. កាមេរ៉ា​ដែល​អាច​​ប្រែ​ប្រួល​ Aperture បាន​ នៅ​លើ​ស្មាតហ្វូន​កំពូលៗ​នា​ពេល​បច្ចុប្បន្ន​ សុទ្ធ​តែ​បាន​ប្រើ​ប្រាស់​នូវ​ Aperture ជាប់​ (Fix) ដែល​មិន​អាច​ប្រែ​ប្រួល​ឲ្យ​បើក​ធំ​ ឬ តូច​បាន​នោះ​ទេ។ ប៉ុន្តែ​ Samsung ក្លាយ​ជា​ក្រុមហ៊ុន​ដំបូង​គេ​​ដែល​បំពាក់​កាមេរ៉ា​អាច​​ផ្លាស់​ប្ដូរ​ Aperture បាន​ ពី​ f/1.5 ចុះ​មក​ f/2.4។ Aperture ​តូច​ f/2.4 ធ្វើ​ឲ្យ​រូបភាព​ថត​ពេល​ថ្ងៃ​មាន​ភាព​ដិត​ល្អ និង​ Aperture ធំ f/1.5 ជួយ​ដល់​ការ​ថត​រូប​នៅ​ទី​ងងឹត​ ដោយ​អាច​ស្រូប​ពន្លឺ​បាន​ល្អ។ ២. …